ނުކުޅެދުންތެރިކަން ހުންނަ މީހުންގެ ޙައްޤުތައް ހިމާޔަތްކުރާ ކައުންސިލަކީ ނުކުޅެދުންތެރިކަން ހުންނަ މީހުންނާ ގުޅޭ ސިޔާސަތުތައް ތަންފީޛުވަމުންދާ މިންވަރު ބަލައި، އެކަންކަން ހިންގުމަށްޓަކައި ޤާނޫނު ނަމްބަރު 2010/08 (ނުކުޅެދުންތެރިކަން ހުންނަ މީހުންގެ ޙައްޤުތައް ރައްކާތެރިކުރުމާއި މާލީ އެހީތެރިކަން ފޯރުކޮށްދިނުމުގެ ޤާނޫނ) ގެ 4 ވަނަ މާއްދާގެ ދަށުން އުފައްދާފައިވާ ކައުންސިލެކެވެ.

• ނުކުޅެދުންތެރިކަން ހުންނަ މީހުންގެ ޙައްޤުތައް ރައްކާތެރިކޮށް ކުރިއެރުވައި އެމީހުންގެ ލާބައަށް މަސައްކަތްކުރުން
• ނުކުޅެދުންތެރިކަން ހުންނަ މީހުން ބާރުވެރިކުރުވައި، އެމީހުންގެ އަޑު އުފުލުމުގެ ގޮތުން ނުކުޅެދުންތެރިކަން ހުންނަ މީހުންގެ ޖަމްޢިއްޔާތައް އެފެއްދުމަށް އެހީތެރިވެދިނުން
• ނުކުޅެދުންތެރިކަން ހުންނަ މީހުންނަށް ފަރުވާދިނުމަށް ޤާއިމުކުރެވިފައިވާ މަރުކަޒުތަކުގައި ހުންނަންޖެހޭ ފެންވަރު ކަނޑައެޅުން
• ނުކުޅެދުންތެރިކަން ހުންނަ މީހުންނަށް ޤާއިމުކުރެވިފައިވާ މަރުކަޒުތަކުން ފަރުވާގެ ޚިދުމަތްތައް ދިނުމުގައި ނުކުޅެދުންތެރިކަން ހުންނަ މީހުންގެ ޙައްޤުތައް ރައްކާތެރިކުރެވޭ މިންވަރު ބަލައި މިނިސްޓަރަށް ރިޕޯޓްކުރުން
• ޤާނޫނާއި ގަވާއިދު ހަދާ ފަރާތްތަކާއި، ސިޔާސަތު ކަނޑައަޅާ ފަރާތްތަކަށް ނުކުޅެދުންތެރިކަމާބެހޭ ކަންކަމުގައި އިރުޝާދު ދިނުމާއި، އެކަންކަމަށް އެމީހުން ހޭލުންތެރިކުރުވުން
• ކަނޑައެޅޭ ހުރިހާ ސިޔާސަތުތަކާއި، ޤާނޫނުތަކާއި، ޤައުމީ ފެންވަރުގައި، ނުވަތަ ޢާންމުންގެ ފައިދާއަށް ރޭވޭ ޙަރަކާތްތަކުގައި ނުކުޅެދުންތެރިކަމާބެހޭ ކަންކަމަށް ރިޢާޔަތްކުރެވިފައިވާ މިންވަރު ބަލައި، ނުކުޅެދުންތެރިކަމާގުޅޭ ކަންތައްތައް މެއިންސްޓްރީމް ކުރުމުގެ މަސައްކަތް
• ނުކުޅެދުންތެރިކަން ހުންނަ މީހުންގެ ޙައްޤުތަކާބެހޭ މައްސަލަތަކާއި ޝަކުވާތައް ބަލައި އެކަންކަމާއިގުޅޭ ގޮތުން މިނިސްޓަރަށް ރިޕޯޓްކުރުން
• މި ޤާނޫނާއި އެހެން ޤާނޫނުތަކުގައި ނުކުޅެދުންތެރިކަމާއިބެހޭގޮތުން ކަނޑައެޅިފައިވާ މިންވަރު ބަލައި ރިޕޯޓްކުރުން
• ނުކުޅެދުންތެރިކަމާއިބެހޭގޮތުން ރާއްޖެއިން ތަޞްދީޤުކޮށްފައިވާ މުޢާހަދާތަކަށް ޢަމަލުކުރުރެވޭ މިންވަރު ބަލައި ރިޕޯޓްކުރުން
• ނުކުޅެދުންތެރިކަން ހުންނަ މީހުންނާއި، ނުކުޅެދުންތެރިކަމާއި ބެހޭގޮތުން ކުރަންޖެހޭ ދިރާސާތައްކުރުން
• ނުކުޅެދުންތެރިކަން ހުންނަ މީހުންގެ ޙައްޤުތަކާއި، ނުކުޅެދުންތެރިކަމައިބެހޭގޮތުން ނުކުޅެދުންތެރިކަން ހުންނަ މީހުންނާއި، މުޖްތަމަޢު ހޭލުންތެރިކުރުވުން
• ކައުންސިލުގެ މަސައްކަތްތަކާއިގުޅޭ ގޮތުން އަހަރީ ރިޕޯޓް އެކުލަވައިލައި ޢާންމުކުރުން
• ކައުންސިލު ހިންގާނެ ގޮތުގެ ގަވާއިދު އެކުލަވާލުން